Irani sërish tërheq vëmendjen me një veprim mjaft të rrallë. Teherani ka dërguar anije luftarake në Mesdhe. Admirali Habibollah Sadchari tha se ky ishte një mesazh paqeje. Diçka e tillë ndodh për herë të dytë pas revolucionit të vitit 1979. Dy anijet kaluan Kanalin e Suezit dhe u drejtuan për në portin sirian Tartus, një pikë mbështetëse për Rusinë.

Edhe vjet në shkurt dy anije iraniane hynë në Mesdhe. Izraeli e quajti një provokim.

Ndërkohë pak më herët, Sekretari i Jashtëm britanik, Ëilliam Hague kishte deklaruar se ambiciet bërthamore të Iranit do e zhysin Lindjen e Mesme në një ‘Luftë të Ftohtë të re’.

Sipas Hague, të tjera vende në rajon do të duan të kenë armë bërthamore në rast se Irani e ka një të tillë.

Gazeta britanike ‘The Guardian’, duke iu referuar burimeve në Uashington, thotë se gjithmonë e më shumë po rriten gjasat që SHBA ta zgjidhë ushtarakisht problemin e programit bërthamor të Iranit.